Por E.P. | Sanxenxo | 20/08/2019 | Actualizada ás 20:17
Un home de 48 anos tivo que ser evacuado a un centro hospitalario este martes tras sufrir un accidente de parapente en Sanxenxo.
Segundo a información do CIAE 112-Galicia, o suceso ocorreu sobre as 18,30 horas deste martes, cando o home resultou ferido ao caer á auga mentres facía parapente en lancha motora na praia de Silgar, en Sanxenxo.
Ata a zona mobilizáronse axentes da Policía Local e da Garda Civil, así como membros do GES de Sanxenxo e persoal sanitario do 061.
O ferido foi sacado da auga por varias persoas particulares, que o levaron ata o porto deportivo de Sanxenxo, onde foi evacuado polo helicóptero medicalizado do 061 ata o Hospital Clínico de Santiago.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.