A familia de Sonia Iglesias segue reclamando xustiza nove anos despois

A tarde deste venres celebrouse en Pontevedra unha concentración para reclamar xustiza polo caso de Sonia Iglesias nove anos despois da súa desaparición. A súa irmá Mari Carmen Iglesias leu un comunicado no que pedíu máis esforzos para esclarecer que aconteceu con Sonia. “A esperanza de atopar o seu corpo, de saber que lle pasou e de poder poñerlle rostro” a quen rematou coa súa vida.

Iglesias explicou na súa intervención que “ninguén está preparado para a desaparición dunha irmá, pero tampouco para ver os ollos do seu asasino e contemplar neles ese sentimento de vitoria”. Indicou que o que lles da forza para seguir loitando a ela e ao resto da familia de Sonia é a esperanza de que “alguén valente fale” do que sabe ou do que viu.

Detallou que as razóns polas que aínda segue en pé despois de tanto tempo de sufrimento é que que o crime quede impune “non sexa unha opción”. E sinala que o sufrimento que lles causou este caso é tal que a eles tamén lles matou en vida e segue condenándolles a un purgatorio para o que non ven un final.

Tamén agradeceu a todo os que acudiron a cita polo seu “apoio incondicional”, que lles serviu á familia de Sonia para que a súa batalla sexa menos “difícil e solitaria”. Tampouco se esqueceu dos medios de comunicación, que considera en parte responsables de que Sonia “non caia no esquecemento como tantos outros”.