Os traballadores de subcontratas de R retomarán as mobilizacións contra a deslocalización

Os traballadores de subcontratas de R retomarán o día 10 as súas mobilizacións cunha concentración, ás 10.30 horas, ante a sede da empresa na rúa Real da Coruña.

Co lema 'Non á deslocalización. Pola defensa dos postos de traballo en Galicia', secundarán unha nova mobilización para esixir o mantemento dos empregos.

As protestas repetiranse o día 11, ás 12,00 horas, ante a sede da empresa en Agrela. Continuarán o 24 de setembro, ás 19,30 horas, de novo na rúa Real, e ao día seguinte, diante do edificio administrativo da Xunta, en Monelos, ás 12,00 horas.