Socialistas coruñeses critican o "deficiente financiamento" das universidades galegas
Demandaron á Xunta "maior transparencia" na repartición dos fondos de I+D, onde denunciaron a existencia dunha "clara discrecionalidade" no seu uso.
- Educación reduce a 'fake news' a denuncia da CIG sobre recortes en atención á diversidade
- Política de innovación de Feijóo: recortes e ideoloxía para favorecer o sector privado en detrimento do sistema público
Por E.P. | A CORUÑA | 21/10/2019 | Actualizada ás 17:42
Os candidatos ao Congreso e ao Senado pola provincia da Coruña, Pablo Arangüena e Obdulia Taboadela, respectivamente, denunciaron o "deficiente financiamento" das universidades galegas, tras unha reunión co reitor da Universidade da Coruña (UDC), Julio Abalde.
Tras a mesma, expuxeron que a UDC e o resto das universidades galegas "necesitan unha maior dotación orzamentaria por parte da Xunta". "A educación pública é fundamental e, por suposto, unha prioridade para os socialistas", sentenciaron.
Ademais, demandaron á Xunta "maior transparencia" na repartición dos fondos de I+D, onde denunciaron a existencia dunha "clara discrecionalidade" no uso dos fondos.
Fronte a iso, reivindicaron a xestión do goberno de Pedro Sánchez, do que dixeron que demostrou un "apoio claro" á educación pública. "Despois de anos de abandono por parte do PP", aseguraron.
