Por Europa Press / Redacción | SANTIAGO DE COMPOSTELA | 25/10/2019 | Actualizada ás 20:56
O presidente do PPdeG, Alberto Núñez Feijóo, cualificou de "pacto anti España e anti Galicia" a declaración pola autodeterminación que asinou o BNG con partidos independentistas de Cataluña, País Vasco e Baleares.
Durante un mitin en Ribadavia (Ourense), o líder dos populares galegos referiuse á reunión deste venres en Barcelona na que o Bloque "lle daba a man tanto a Torra como a Bildu, pedindo a independencia".
Tachouno de "pacto anti España e anti Galicia" e engadiu que é "un sarcasmo" que o PSdeG "dea leccións de centralidade", ao ter, segundo dixo, como socio preferente de goberno aos nacionalistas.
Coa vista posta nas eleccións xerais do 10 de novembro, reivindicou para España un Goberno como o galego, xa que o ve "garantía de estabilidade e comprometido con Galicia".
Respecto diso, avogou de novo por "unir o voto" no PP "para pór fin ao bloqueo e que España conte cun presidente, un goberno e unhas políticas distintas".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.