Por Europa Press / Redacción | SANTIAGO DE COMPOSTELA | 02/11/2019 | Actualizada ás 12:45
O exministro de Educación no Goberno de Zapatero e actual portavoz do PSOE na Asemblea de Madrid, Ángel Gabilondo, sostén que "un país de progreso" non se conseguirá votando a calquera dos "partidos de dereitas", xa que en todo caso "estarán condicionados por Vox", afastados da "defensa dos dereitos e as liberdades" que ofrece o PSOE.
O político asegurou este sábado nun encontro en Santiago, co secretario xeral do PSdeG, Gonzalo Caballero, e o alcalde da capital galega, Xosé Sánchez Bugallo, que a súa "experiencia" lle di que "se o Partido Popular, Ciudadanps e Vox poden sumar, sumarán", como xa ocorreu en comunidades como Madrid, Murcia ou Andalucía.
Cre que "envolvelo todo na bandeira de España" non é o que os socialistas entenden por "defensa dos dereitos e liberdades", porque detrás dos símbolos —que o PSOE "quere", aclarou— debe haber un "modelo económico, de progreso, xustiza social e futuro" para o país e para Galicia.
Está convencido de que o traballo "por un país solidario, unido polas ideas, a loita polos dereitos e as conviccións" é "o que necesita" España, e non "un calendario e acción" marcada polo partido de Santiago Abascal.
Ademais, tamén fixo referencia ás "peculiaridades" da autonomía galega e trasladou unha mensaxe á cidadanía do territorio para facerlles saber que "non están sós" e que aglutinar o voto no PSOE traerá "progreso tanto para España como para Galicia".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.