O Goberno central asumirá o 50% do custo de reparación das infraestruturas danadas polo incendio de Rianxo

O Goberno central asumirá o 50% dos custos de reparación das infraestruturas públicas danadas polo lume durante o incendio que afectou a Rianxo en marzo pasdo.

Este luns, o Boletín Oficial do Estado (BOE) publica o real decreto aprobado o pasado venres no Consello de Ministros para paliar os danos causados por catástrofes desde o 1 de xaneiro de 2018 ata o 31 de marzo de 2019 en infraestructras municipais e na rede viaria de 249 municipios españois, entre eles Rianxo (A Coruña).

Así, o Estado subvencionará ata o 50% do custo que terá reparar os danos causados polo incendio en bens públicos e na rede viaria de titularidade provincial, segundo informa a Delegación do Goberno en Galicia.

O incendio de Rianxo, que calcinou 1.162 hectáreas a finais do pasado mes de marzo, foi incluído polo Consello de Ministros no réxime de axudas para episodios catastróficos.