Feijóo apela a un goberno do PP que fronte a unha coalición "PSOE, Podemos e nacionalistas"
"Unha política social non se constrúe en roldas de prensa, ás persoas maiores non se lles axuda con anuncios electorais, axúdaselles pagando ás comunidades autónomas", dixo o presidente do PPdeG en alusión aos 700 millóns que reclaman ao Goberno central.
Por E.P. | A CORUÑA | 05/11/2019 | Actualizada ás 18:49
O presidente do PPdeG, Alberto Núñez Feijóo, apelou a conformar o 10 de novembro un goberno do PP que "traballe" e que "goberne" fronte a outro conformado por "PSOE, con Podemos e os nacionalistas", sentenciou nun encontro con entidades sociais.
Nel, criticou que a política social pareza "un couto da esquerda" e, ao fío diso, reivindicou as medidas nesta materia impulsadas polo seu Executivo, entre as que citou as vinculadas co reto demográfico. "A primeira lei de impulso demográfico que existe en España", apuntou.
"Unha política social non se constrúe en roldas de prensa, ás persoas maiores non se lles axuda con anuncios electorais, axúdaselles pagando ás comunidades autónomas", dixo tamén no seu discurso en alusión aos 700 millóns que a Xunta reclama ao Goberno en materia de financiamento.
Por outra banda, na súa intervención, apelou a conformar un goberno que dea "estabilidade" ao país". "Se non serían unhas terceiras eleccións e a crise económica agravarase", dixo en referencia a unha desaceleración da economía.
"O importante é ter un goberno a partir do luns día 11, un goberno que goberne", expuxo reivindicando ao PP como esta opción para que non haxa un executivo dedicado "a unha campaña electoral permanente".
