O alumnado da Facultade das Ciencias da Comunicación da USC tamén sae en defensa dos medios públicos
Os estudantes súmanse aos #VenresNegros en solidariedade ao movemento dos traballadores de #DefendeAGalega. Demandan uns medios públicos libres e independentes dos intereses de particulares.
- O 'efecto Medicina' esténdese a outras facultades da USC tras tres días de folga indefinida do alumnado
- En Común e o BNG, en pé de guerra contra o plan de cobertura da CRTVG para a campaña electoral
Por Raúl Novoa | SANTIAGO DE COMPOSTELA | 08/11/2019 | Actualizada ás 14:00
Medio cento de estudantes da Facultade das Ciecias de Comunicación da Universidade de Santiago de Compostela, reuníronse este venres para amosar a súa solidariedade co movemento #DefendeAGalega. "A Facultade de Comunicación non pode ser cómplice do desmantelamento dos nosos medios públicos" sinalan desde o comunicado da Asamblea Aberta de Comunicación, que organizou a mobilización de hoxe.
Neste venres número 77 os participantes volvéronse a vestir de negro -como cada semana e de maneira consecutiva- para "defender o presente e o futuro da comunicación". Desde a mobilización de traballadores da Galega, demándase "a fin da manipulación e da precarización" que aseguran que sofren os medios de comunicación públicos. Piden tamén unha TVG e Radio galega "libres e independentes".
