Por E.P. | SANTIAGO DE COMPOSTELA | 20/11/2019 | Actualizada ás 14:24
O Parlamento de Galicia insta, a través dunha proposición non de lei que non obtivo votos en contra, ao Goberno central a definir un calendario "realista" para a execución do dragado da Ría do Burgo, na Coruña, así como a comprometerse coa procura de fondos europeos para levar a cabo a actuación.
A iniciativa, presentada polo PPdeG e que foi debatida na tarde do martes, saíu adiante na mañá deste mércores cos votos a favor de todos os grupos coa excepción de En Marea, que optou pola abstención.
En concreto, a Cámara solicita ao Goberno que remita información sobre os "avances" para cumprir co acordo alcanzado entre Xunta e os concellos da área metropolitana da Coruña polos que transcorre a ría para lograr os fondos europeos que permitan sacar adiante o dragado da mesma.
Ademais, tamén solicita que se impulse desde o Estado un plan social de compensacións aos mariscadores que non poidan traballar durante as obras e que se constitúa unha comisión de seguimento na que estean representadas as administracións implicadas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.