Por Europa Press / Redacción | Santiago de Compostela | 29/11/2019 | Actualizada ás 15:22
O Ministerio de Industria, Comercio e Turismo subscribiu un convenio cos estaleiros Navantia para un programa de desenvolvemento de fragatas F110, consistente nun préstamo dun máximo de 1.638 millóns de euros e cuxo proceso de elaboración terá un impacto de aproximadamente 7.000 empregos durante 10 anos.
Así o autorizou este venres o Consello de Ministros, defendendo que o proxecto permitirá levar a cabo a dixitalización de Navantia a través do programa Estaleiro 4.0 e contribuirá a situar a esta empresa como "líder mundial" no mercado de fragatas, dando así continuidade á aposta tecnolóxica e industrial de España neste segmento.
A subscrición deste convenio garante a adquisición de cinco fragatas F110 por parte do Ministerio de Defensa a Navantia, empresa que o Goberno elixiu "polas súas capacidades e experiencia na construción de buques militares de alta tecnoloxía".
A través desta serie de préstamos por un importe máximo de 1.638 millóns de euros en sete anos, o proxecto supón unha contribución ao PIB español de 590 millóns de euros anuais e un impacto de aproximadamente 7.000 empregos, garantindo carga de traballo para Navantia durante este período.
As fragatas incorporarán unha tecnoloxía "punteira" nos seguintes ámbitos: ensaios hidrodinámicos do buque para diminuír o consumo e reducir a detectabilidade, motorización híbrida con motor eléctrico e turbina de gas, sistema integrado de información a bordo (incluíndo o mantemento do buque), integración do sistema de combate, ciberseguridade, mastro integrado con sistemas VHF, radar, guerra electrónica, comunicacións ou navegación, entre outros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.