"A manifestación máis masiva dun Día da Patria"

O Bloque cifra en 20.000 os asistentes á marcha do 25 de Xullo e chama á "insumisión" contra os recortes. Os actos de irmandiños e Compromiso por Galicia xuntan aproximadamente a un milleiro de persoas.

Por Galicia Confidencial | Santiago | 25/07/2012 | Actualizada ás 16:51

"Unha marea humana a favor de rescatar os dereitos do pobo galego e non os dos banqueiros, a prol dunha Galiza soberana e contra as saudades neofranquistas do PP", así define o Bloque Nacionalista Galego a marcha polo Día da Patria Galega que acaba de rematar en Santiago. Asistiron "máis de 20.000 persoas" segundo a fronte; o que implicaría bater as marcas previas da tradicional marcha nacionalista.

O Bloque informa que Iria Aboi, secretaria xeral de Galiza Nova, estaba a presentar o acto político na Quintana cando miles de persoas aínda se achaban atuídos na Praza de Galiza.

Unha inxección de optimismo para a fronte, tocada na súa imaxe pública tras as escisións do Encontro Irmandiño de Xosé Manuel Beiras e Máis Galiza de Xoán Bascuas. Os actos políticos das novas forzas nacidas ao fío da ruptura do Bloque (Anova Irmandade Nacionalista e Compromiso por Galicia) convocaron a unhas mil persoas cada un, segundo cálculos da Cadena Ser.

A nivel de discurso político, o Bloque chamou á "insumisión contra a política de recortes practicada polos gobernos do Partido Popular, quer o estatal quer o galego".

O BNG renovou o formato do acto da Quintana. Non só tomaron a palabra os dirixentes do BNG -neste caso, o portavoz nacional e o candidato nacionalista á presidencia da Xunta, Guillerme Vázquez e Francisco Jorquera, respectivamente-, senón que tamén o fixeron 9 persoas en representación do que Iria Aboi cualificou como "a Galiza real". É dicir, mozos parados, afectados polas preferentes, labregos, traballadores do ensino e da sanidade.

Interviron, por esta orde, Isabel, traballadora de Mafeco, unha empresa afectada por un ERE; César, comerciante; Manuela Catoira, presidenta da Xunta de Persoal Docente de Coruña; Luciano, membro da plataforma de afectados/as do Morrazo; Elvira Lombao, presidenta da federación de ANPAS de Lugo e membro da Plataforma Galega en defensa do Ensino Público; Carme Aira, responsabel de CIG saúde e membro da Plataforma SOS Lugo; Pilar Bispo, labrega convencida da viabilidade do noso agro; Miguel Fernández, membro da Plataforma en defensa dos Servizos Sociais; e Lucía Vecino, estudante da USC.

Guillerme Vázquez, o voceiro nacional, foi moi contundente na súa intervención, coa que clausurou o acto. "Ou nos plantamos ante a Unión Europea, ante os especuladores e estes gobernos, ou haberá novos recortazos", alertou, "e serán máis cedo que tarde". Foi alén diso e advertiu que Rajoy xa prepara "unha nova baixada das pensións", un novo ataque contra os sectores sociais máis vulnerábeis.

O dirixente nacionalista non deixou títere con cabez: "Merkel dirixe co mando a distancia. Rajoy fai obediente os deberes. O Monarca chega de cazar elefantes e ´pide sacrificios´. Á gran patronal non lle faledes de pagar impostos, quere máis recortes. E a xerarquía católica, esa nin quere pagar impostos nin renunciar as xenerosas axudas públicas!!", pormenorizou, nunha relación que foi varias veces interrompida por aplausos. Tampouco esqueceu a Rubalcaba, de quen dixo que aínda está "decindido que quer ser de maior".

7 F2R6

Si din 20 mil foi porque asistiron cinco mil. Se os outros din mil, é que asistiron uns 250, os mesmos que foron á ultima asemblea do pazo de congresos de Santiago.

1 opino

De calquera xeito foron máis ca nunca. Dos outros si foron esa cifra que dis. Conteinos eu.

2 F2R6

Home, hai que ser un puntiño "fanático" ou ter medo a perder a mantenza e ter que pórse a traballar, para ter que levantarse cedo e ir un día festivo a unha manifa. Non representan á xente. Non digo que non os voten, senón que a estes actos supoño que irán militantes, mantidos, liberados, etc. Se é certo que houbo mais xente ca nunca, para min que é porque ven perigar o seu futuro político ¿Ou ti cres que cos líderes do nacionalismo ou socialismo, coa política axitada, mensaxes chorras, etc., Feijoo ten en perigo a silla?

3 Tes razón F2

Seguro que é por iso e non polo cabreo xeral que existe contra as politicas do PP. Non se me ocorrera, toda a xente que se manifesta son liberados, agora se explica todo. Que estea tranquilo O Noso Alberto entón e os seus palmeiros.

4 Aminmesmo

Non sei se foi o mais numeroso, pero un dos mais numerosos si, á altura dos días mais gloriosos do BNG. Eu fun por primeira vez dende o 2009 para apoiar á organización na que me sinto representado e da que tantas parvadas de trolls teño que ler na rede. Foi un éxito brutal de convocatoria do BNG... sei que a algúns vos proe... fodédevos.

5 F2R6

Aminmesmo, ¿ti cres? Baixa da nube. Eu fun unha vez a un mitin do PP. A xente estaba entusiasmada e saín cunha idea de que todo o mundo apoiaba o PP. En frío pensei que eran so os xa convencidos, que aos mitins e manifas van os xa convencidos, pero non son unha mostra representativa da xente. Sal á rúa, pide opinións a xente común, e xa me contarás o que che contan dos nacionalistas, mais ou menos que son igualiños que os do PP ou PSOE (á hora da mantenza). E entre o malo, polo menos o mal menor que é Feijoo, que ten as mellores cifras económicas do país e non pide rescate.

6 Xabier

F2R6, cambia o nick para R2D2. Serás máis feliz.

7 Pregunta para F6

F2R6, supoño que non te referirás a multiplicar x2 o paro e x3 a debeda. Que cifras economicas molonas ten Feijóo? Creo que fuches mais de unha vez a un mitin do PP

8 F2R6

Fun so unha vez pero se queres que fose mais, ti mesmo ¿Ti cres que Feijoo fixo os recortes aqueles de Cataluña de meter medo, de pechar ambulatorios? Non todo se reduce a axitar para negar o evidente. Se Feijoo fixo algo ben foi a política económica, lembra á Farjas que foi pioneira nesto de facer economías e lla fichou Rajoy.

9 Pregunta para F6

Ja ja ja !!! Boísimo F2! Pensei que ibas en serio e xa vexo que es un mestre da retranca! Aínda lle quedan un meses a Feijoo a ver se da multiplicado x3 o paro e x4 a debeda

10 F2R6

Logo ti cres que Jorquera, ou Pachi lle poden facer sombra a Feijoo. Aaaaaa

11 Pregunta para F6

Levas razón meu amigo. E complicado facelo tan desastroso nunha soa lexislatura. Deixa o liston moi alto

6 sanxan

Pero si os fa sc ist a s da upg seguen mandando igual que os do pp , sempre igoal. o povo a pagar.

1 iso seralo ti

Deben de ser os unicos fascistas do universo que gañan unha votacion e logo integran ós perdedores na direccion en proporcion exacta ós seus votos.

2 Ama

Sanxan, o pobo sempre paga, e a base de case todas as civilizacions. Agora non digas que ser do PP e igual que ser do BNG porque a parte de insultar a moita xente, insultas a intelixencia. Eu traballo na administracion e podoche asegurar que o PP en estes tres anos non fixo outra cousa que parar, retrasar ou destruir todo o feito ata agora, e sobre todo colocar os seus, consolidalos en postos feitos a medida.

3 sanxan

eu quero "traballar" na cig ou nun local da upg ou de senadora, ou pasar o tempo libre despóis de "traballar" iventando organizacións para facerlle traxe a upg e sair na foto doida de tanta calamidade que pasa o povo.

5 Paola

Como militante do BNG, e para combater o GOLPE DE ESTADO E FRAUDE ELECTORAL A PIQUES DE CONSUMARSE, coa rebaixa fraudulenta a 61 escanos que van impoñer este feixe putrefacto de fascista pepeiros, có seu bandallo de presidente feijoo a cabeza, é NECESARIO UNIRNOS TODOS (BNG,COMPROMISO,ANOVA,ESQUERDA UNIDA,ETC), DADA A EMERXENCIA e situación crítica do noso pobo. Temos que aparcar as nosas diferenzas e construir unha grande ALIANZA ALTERNATIVA. Se non o facemos será un SUICIDIO, que xamais nolo perdoaremos,se queremos derrotar a estos criminais do estado de benestar e da democracia realnsa.

1 Marquiños

Tes toda a razón, Paola. Con Beiras á fronte da nova Fronte Nacionalista. Hai que volver aos vellos tempos.

2 Paola

Non ,non se trata de nomes, trátase de unirnos contra a barbarie frijoliana que nos avocará a desaparición, se non reaccionamos. Pensar en nomes agora có que vai vir, sí que é volver aos vellos tempos, déixate de nomes e pensa na reacción que debemos amosar ós que queremos a nosa nazón.Saudos

3 Tranki Paola

Tranquila Paola, se fan o "cambio" é porque estan en Free Fall en todos os inquéritos, e non baixan a 3 diputados o Parlamento porque non poden. Pensan que os seus votantes son idi_otas do_cu, e vailles sair o tiro pola culata, como xa lles saiu mal e fatal a xogada de quentar a orella aos cus_con_lombrices no BNG (porque agora van vir as risas, á vista do de hoxe o diñeiriño prometido para o Novo Váter nanai do Paraguai como o bispo Lugo).

4 Tranki Paola

Ah, con EU que se una o PSOE, que estarán encantados, xa o fixeron unha vez e foilles de puta_madre (sobre todo a Geluco, a ver se Yolanda apaña o mesmo cacho). E os "cindidos", que tomen un pouco mais de ar, que estaban asfixiados, que tomen un pouco mais... 3 ou 30 anos mais.

4 Ego Sum

Bo día da Patria Galega! Bo día de Galicia! Bo día do que cada un queira e poida celebrar!! Eu fun como cada ano a manifestación do BNG, e teño que recoñecer que me sorprendeu positivamente a cantidade de xente que ali houbo. Un bo feixe de amigos e coñecidos meus están agora en CxG e Anova, co cal para min foi un 25 de xullo un pouco triste xa que prefería que todos os galeguistas,nacionalistas,esquerdistas ou como raio queiramos definirnos, estivesemos xuntos neste día. Saúdos a tod@s, eu por agora sigo apostando polo BNG, os/as que se foron desexolles que nos atopemos de novo hoxe mesmo sen agardar a mañá. Forza Galicia!

1 Costadamorte

Eu me vin nas mesmas que ti... Fun a manifestación coa miña familia, (eles non militan, pero iste ano insistiron en ir, cando outros pasaban), polo miña banda pusen de menos aos compañeiros que, no meu caso, foron maioritariamente a CxG... Poño de menos unha unidade e unha xenerosidade co país de todos..., as veces parece verse moitas miserias humanas, egoismos e rencores nos que deberan ser os "bos e xenerosos"... De calquer xeito, e dentro do malo, eu prefiro seguir apostando pola fórmula BNG agardando a volta dos compañeiros perdidos polo camiño...

2 anonimo

E logo este pais terá que ser de Partido Único, e por riba Stalinista???

3 Pobre Alberto

Entre os recortes de Rajoy e a forza que esta mostrando o BNG a Feijóo xa non o salva nin sacar moito aos marchosos pola telegaita nin reformas electorais nin viaxes a Sudamerica nin rezarlle ó Apostolo.

1 Tranki Paola

Non, pero parece ser que Frijolín y adláteres pedironlle as mesmas chaves ao cabido que aquelas que tiña o letricista da Roja no Colacao. E que tal como está todo, non se pode rexeitar unha axudiña da Igrexa.