A onda de frío chega a Galicia con temperaturas de -5º
A Mezquita, con -5,1ºC, rexistra a mínima de Galicia.
Por Europa Press / Redacción | SANTIAGO DE COMPOSTELA | 03/12/2019 | Actualizada ás 09:49
Os termómetros rexistraron este martes en Galicia temperaturas baixo cero en numerosas localidades das provincias de Ourense e Lugo. A mínima correspondeu ao municipio ourensán da Mezquita, con -5,2ºC.
Segundo os rexistros de Meteogalicia ata as 9,00 horas deste martes, recollidos por Europa Press, as outras temperaturas máis baixas corresponderon a localidades de montaña na provincia de Ourense como Vilariño de Conso, con -4,4ºC e A Veiga, con -4,3ºC.
Outros rexistros termos significativos na zona de montaña correspóndense cos -2,9ºC de Manzaneda e os -2,4ºC de San Xoán de Río, ambos na provincia de Ourense.
Mentres, en localidades con altitude menor de 900 metros, a mínima rexistrouse en Verín, con -4,1ºC; seguida de Calvos de Randín, -3,7ºC; e Baltar, -3,6ºC, todos municipios da provincia de Ourense.
Ademais, este martes os termómetros descenderon ata os -3,5ºC en Sarria (Lugo) e -3,1ºC en Viana do Bolo (Ourense), segundo consta nos datos publicados por Meteogalicia. Na xornada deste luns día 2 os valores mínimos localizáronse en Manzaneda (-2,9ºC), A Veiga (-2,8ºC), Baltar (-2,4ºC) e Pedrafita do Cebreiro (-2,1ºC).
