A Policía di que un anarquista foi quen se bateu con Conde Roa
Fontes presenciais consultadas por GC din que o mozo insultou ao alcalde antes de que os dous comezaran a labazadas o un no outro.
Por Galicia Confidencial | Santiago | 30/07/2012 | Actualizada ás 14:49
A Policía Nacional asegura que identificou á persoa que se pelexou co ex-alcalde de Santiago o pasado mes. Segundo a información remitida polos axentes ao xulgado, trátase dun militante anarquista e con antecedentes por alteración da orde pública. Os investigadores tamén argumentan que o presunto infractor non ten domicilio coñecido, polo que até hoxe non se lle puido notificar a súa imputación por unha falta de lesións ao político do PPdeG.
Segundo fontes presenciais consultadas por GC, a agresión comezou no cruce de Peóns da Praza de Galicia cara a zona vella de Santiago. O identificado pola Policía insultou ao ex-edíl ('hijo de puta' foi un dos termos que empregou) e deseguido comezou un intercambio de golpes. Varios cidadáns lograron separan aos loitadores pero, unha vez separados, foron de novo un polo outro. Separados outra vez, a lea rematou cando o mozo marchou do lugar dos feitos.
Na súa denuncia o alcalde de Santiago dixo que o suposto agresor tiña estética 'antisistema'. Durante o seu mandato, Conde Roa mantivo unha política moi activa contra os movementos sociais de esquerda, como o 15M ou a okupación da Sala Yago.
