Suspenden ata o xoves a procura da persoa que caeu ao río en Oroso

Polo momento, os esforzos foron negativos.

Por E.P. | SANTIAGO DE COMPOSTELA | 11/12/2019 | Actualizada ás 12:33

Comparte esta noticia

A procura da persoa que caeu no Río Tambre, ao seu paso pola poboación de Sigüeiro, en Oroso, suspendeuse ata a mañá do xoves. 

Imaxe da procura no río Tambre da persoa desaparecida. AXEGA
Imaxe da procura no río Tambre da persoa desaparecida. AXEGA

Diso informaron a Europa Press fontes do operativo de emerxencias, que explicaron que a procura se centrou este mércores na marxe do río desde o refuxio de pesca ata o límite do río co Concello de Trazo. En concreto, foron varias testemuñas os que informaron sobre as 10,00 horas de que unha persoa estaba a ser arrastrada pola corrente na zona do refuxio de pesca de Sigüeira, en Oroso.

Ante iso, púxose en marcha un operativo de procura e rescate coordinado polos axentes da Garda Civil e Policía Nacional, ao que se sumaron ao longo da tarde os membros do Grupo de Apoio Loxístico da Axega co equipo de drones e un vehículo anfibio especial para desprazarse por zonas de baixo-medio caudal.

Segundo explicou o CIAE 112, isto permitiu dar apoio a dous rescatadores que se meteron na auga co obxectivo de realizar o mesmo percorrido que puido facer a persoa cando era arrastrada pola corrente.

Ademais, na zona traballaron agendes da Policía Nacional e da Garda Civil, Bombeiros de Ordes e Santiago, voluntarios de Protección Civil e o GES de Brión, que achegou unha embarcación.

Con todo, polo momento, os esforzos foron negativos.

Amplo dispositivo de procura... PROTECCIÓN CIVIL DE CEDEIRA
Amplo dispositivo de procura... PROTECCIÓN CIVIL DE CEDEIRA
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta