O Museo do Pobo Galego pecha este sábado o ano dedicado a Antón Fraguas cun concerto de Oradaladou

O Museo do Pobo Galego pechará este sábado, día 28 de decembro, as actividades organizadas con motivo da dedicación a Antón Fraguas das Letras Galegas en 2019 cun concerto do dúo Oradaladou.

Esta actuación musical terá lugar ás 13,00 horas e servirá para homenaxear ao autor que foi presidente e director da institución no día do seu nacemento.

Previamente ao concerto celebrarase un acto institucional no que estarán presentes o presidente da Fundación Antonio Fraguas e do Padroado do Museo do Pobo Galego, Xusto Beramendi; o secretario xeral de Política Lingüística, Valentín García; e o presidente da Real Academia Galega (RAG), Víctor Freixanes, entre outros.

Antón Fraguas, homenaxeado do Día dás Letras de 2019. RAG - Arquivo