En Marea critica que sexa a Xunta a que lle pida ao Apóstolo resolver os problemas de Galicia
Critica que os populares fan "abandono de funcións" no Parlamento.
Por Europa Press / Redacción | SANTIAGO DE COMPOSTELA | 30/12/2019 | Actualizada ás 17:15
En Marea criticou este luns que o presidente do Parlamento de Galicia, Miguel Santalices, reivindique ante o Apóstolo a "política con maiúsculas" mentres que o seu partido, o PP, con Alberto Núñez Feijóo á fronte da Xunta, "non xestiona as problemáticas vitais para a cidadanía".
Entre outras cuestións, Santalices incluíu no seu discurso a reivindicación de combater a violencia machista e o cambio climático, así como unha transición enerxética "xusta", despois do anuncio do peche de Endesa nas Pontes.
En Marea, pola súa banda, afeou o "abandono de funcións" por parte da Xunta e esgrimiu que a formación "leva moito tempo facendo propostas" que "sistematicamente son rexeitadas polo PP no Parlaento".
Sobre a "plena vixencia" dos dous idiomas oficiais na Comunidade, En Marea considera "inxustificable" vangloriarse diso posto que, á vista dos informes europeos publicados, "non se mellorou en nada" e hai "un gran retroceso" na protección do galego.
