Polémica en Twitter tras o intento de crear 'fake news' por parte da secretaria xeral do PP na Coruña

Rosa Gallego tenta crear mentiras sobre Teruel. Os medios de dereitas lanzan campaña para desacreditar a Teruel Existe antes da investidura a Sánchez.

Por Galicia Confidencial | SANTIAGO DE COMPOSTELA | 07/01/2020 | Actualizada ás 14:07

Comparte esta noticia

Coa investidura a Pedro Sánchez, moitos partidos de dereitas e ultradereita tentan facer uso de 'fake news', é dicir, de mentiras que reforcen as súas ideas e prexuizos.; unha estratexia política que se fai a través das redes sociais ou nos medios, tentando que se reproduzan argumentos falsos.

Manifestantes en contra da investidura de Sánchez en Teruel.
Manifestantes en contra da investidura de Sánchez en Teruel.

Onte foi o caso de Rosa Gallego, secretaria xeral do PPdeG na Coruña. Publicou un twit onde pon: "Teruel existe e fala claro" acompañado dun vídeo dunha masiva manifestación con bandeiras de España. O caso, é que o vídeo non é nin en Teruel, nin de onte, senón que é a rúa Goya en Madrid nunha manifestación españolista en contra da independencia de Catalunya.

Ademais, quen foi tamén funcionaria da Xunta, tentou salvar o que os usuarios das redes tildaron de "ridículo". Noutro chío tras a resposta dun usuario, di que ela lle pide aos turolenses que fagan o mesmo, e engade unha nova onde se fala de que centos de persoas pediron en Zaragoza piden a dimisión de Sánchez. A concentración de Zaragoza, foi organizada polo Movimiento Aragonés Social (MAS), un partido falanxista e cun pasado terrorista.

O chío tivo unha grande interacción na rede social, chegando ás 2.447 respostas. Os usuarios e usuarias ironizaron co tweet da 'popular', poñendo imaxes das grandes multitudes no funeral do xeneral Souleimani en Irán, dicíndolle a Gallego que é en Teruel.

Con todo, sí houbo concentración en Teruel en contra de Sánchez, mais con moita menos afluencia, xa que había, literalmente, 3 persoas. 

OS MEDIOS DE DEREITAS TENTAN DESACREDITAR TERUEL EXISTE

O diario El Mundo uniuse tamén aos grupos de presión que destapan as súas ideas de ir en contra da investidura a Pedro Sánchez. Así, publicaron unha nova onde vinculan o deputado electo de Teruel Existe -José Guitarte- co recibimento de medio millón de euros "a cargo das arcas do goberno de Aragón e das cortes valencianas, ambos liderados polo PSOE" á súa empresa, Arquilab S.L. 

Aínda que as acusacións son certas, os contratos dos que fala o diario español son de 2018. Daquela o partido aragonés tiña as súas contas transparentes e nin sequera se presentaba ás eleccións.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta