Por Galicia Confidencial | A CORUÑA | 28/01/2020 | Actualizada ás 08:05
A CNT presentará o día 28 de xaneiro ás 10.30 horas unha denuncia ante a Fiscalía da Audiencia Provincial da Coruña para que actúe fronte aos incumprimentos en
materia de saúde do servizo de transporte sanitario non urxente (ambulatorio e hospitalario) e o hospitalario urxente do SERGAS.
Os incumprimentos denunciados estarían a poñer en perigo a saúde dos pacientes ao realizar o transporte de persoas con enfermidades infecto-contaxiosas con outros pacientes no mesmo habitáculo da ambulancia. "Tanto os traballadores como o resto de pacientes que se ven obrigados a compartir ambulancia poñen en risco a súa propia saúde" asegura o sindicato nunha nota de prensa.
Con todo, as responsabilidades destes actos recaerían sobre o Servizo Galego de Saúde, a UTE Servicios Sanitarios de La Coruña S.L., Ambulancias María Pita S.L. e Amparo Lage Pardo, como supervisora de Admisións de hospitalizacións do CHUAC.
"As indicacións que estarían a recibir os traballadores para realizar os traslados suporían ignorar o indicado no Real Decreto 836/2012, de 25 de maio" acusan desde a agrupación, así como os Protocolos de traslado de pacientes aislados e a Guía de aislamientos do complexo hospitalario universitario Juan Canalejo Marítimo de Oza. Todos estes documentos recollen os protocolos adecuados para o traslado de pacientes ase como os de limpieza e desinfección.
Como recolle a demanda que presentará a CNT, “As consecuencias destas prácticas irregulares e ilícitas poden ter un grande alcance non só para os enfermos trasladadods nestas condicións e para o persoal que leva a cabo estes traslados, senón tamén para o conxunto dos usuarios dos servizos de saúde e incluso para a totalidade da poboación”.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.