Grupos animalistas piden a aplicación dun imposto á compra legal de cans para "erradicar o abandono"

Asociacións animalistas propuxeron un imposto autonómico que grave a adquisición legal de cans e gatos para "fomentar" a adopción e lograr adquisicións "máis responsables e reflexionadas" de maneira que se "erradique" o abandono e malos tratos animais.

Con estas medidas económicas, Libera e a Fundación Franz Weber indicaron que se poderían "xerar fondos públicos" para subvencionar unha porcentaxe das intervencións veterinarias de esterilización coas que, engadiron, se preveñen enfermidades e corta " de raíz" a reprodución incontrolada que provoca "centos de abandonos de camadas en condicións terribles".

Ademais, sinalaron que se poderían desenvolver campañas de sensibilización e exercer "un control exhaustivo" sobre o comercio irregular que, segundo indicaron, é un "destino habitual" dos cans e gatos "excedentes".

Así mesmo, isto posibilita a súa adquisición por prezos "moi inferiores ao do mercado legal" e sen atender ás enfermades que poidan portar ou as condicións de cría.

IMPACTO POSITIVO

Ambas as asociacións indicaron que se podería xerar un "impacto positivo" con estas medidas e estimaron unha redución de entre o 15 e 30 por cento do abandono animal se se dedicasen ao redor de 2 millóns de euros a esterilizar a "máis de 30.000 cans e gatos" en Galicia.

Así mesmo, manifestaron que xa existen estados en Europa nos que se aplican políticas públicas deste tipo, como é o caso dos Países Baixos, que desde 1960 investiron na "erradicación do abandono e os malos tratos dos animais logrando converterse nun territorio con taxa case cero".

Cans abandonados que coida o CAAN da Deputación de Pontevedra