Por Europa Press / Redacción | SANTIAGO DE COMPOSTELA | 27/02/2020 | Actualizada ás 18:49
O Comité Executivo Nacional de Vox situou a catro representantes provinciais á fronte das listas no catro circunscricións galegas para as eleccións autonómicas do próximo 5 de abril.
Concretamente, trátase de Miguel Ángel Fernández, pola Coruña; Sonia Teijeiro, por Lugo; María Jesús Fernández, por Ourense; e Antonio Ramilo Rodríguez, por Pontevedra.
Miguel Ángel Fernández é avogado especializado en Dereito Privado, ten un MBA pola Universidade da Coruña e Máster en Dirección de Empresas Construtoras e Inmobiliarias da Universidade Politécnica de Madrid. Actualmente é presidente da xestora provincial de Vox. Foi cabeza de lista por esta provincia nas eleccións xerais.
Sonia Teijeiro é enxeñeira técnico Forestal e enxeñeira superior de Montes. Ademais de estudar dous másteres, ten unha ampla experiencia laboral como enxeñeiro. Na actualidade é presidente da xestora de Lugo e foi candidata nas eleccións municipais á Alcaldía da capital lucense.
María Jesús Fernández, que foi candidata nas eleccións municipais na capital ourensá, é presidenta da xestora provincial de Ourense desde outubro de 2019 e anteriormente foi coordinadora provincial. É encargada das relacións públicas da empresa familiar e foi secretaria e colaboradora do Club de Leonss Internacional de Ourense.
Antonio Ramilo Rodríguez é directivo con ampla experiencia internacional en planificación e execución estratéxica e xestión de equipos dentro do ecosistema dixital. "Multilingüe operativo en español e inglés", din desde a formación. Fillo de Antonio Ramilo, alcalde franquista de Vigo e presidente da patronal galega nos anos 90, é vicepresidente da xestora de Pontevedra.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.