Suspendido o encontro da Asociación Galega de Medicina Familiar en Monforte por temor ao coronavirus
Estaba previso para o 26 e 28 de marzo.
Por Europa Press / Redacción | SANTIAGO DE COMPOSTELA | 04/03/2020 | Actualizada ás 11:35
A Asociación Galega de Medicina Familiar e Comunitario (Agamfec) aprazou as súas xornadas previstas a finais de marzo en Monforte de Lemos (Lugo) ante a "incerteza da situación epidemiolóxica actual" e as recomendacións do Ministerio de Sanidade para evitar a propagación do coronavirus en eventos multitudinarios con persoal sanitario.
Nun comuncado, esta asociación médico científica explica que apraza as XXIV Xornadas Galegas de Medicina Familiar e Comunitario e o I Xornadas de Titores-Residentes, previstas para entre o 26 e 28 de marzo, ante as recomendacións das autoridades sanitarias ao "supor un espazo no que se reúnen centos de médicos de familia da Comunidade" galega.
"Estaremos atentos á evolución da situación e informaremos os socios e aos afectados das novas datas o máis axiña posible", sinalou esta asociación científica. Esta decisión, puntualizou, foi adoptada pola Xunta Directiva de Agamfec de acordo co comité organizador das xornadas.
