A mellor revista do Entroido Galego faise en Valdeorras
Rematado o Entroido 2020 comeza xa a conta atrás para o vindeiro. Mentres, podedes gozar dunha publicación que recupera con rigor xornalístico as mascaradas máis tradicionais do noso país e que edita o xornal valdeorrés O Sil. Trátase do monográfico "Entroido en Galicia. Onde ir. Que ver".
Por X.M. Fernández | O Barco | 11/03/2020 | Actualizada ás 09:00
Dende hai unhas semanas está á venda en quioscos e librarías de diferentes puntos de Galicia a edición do 2020 do monográfico “Entroido en Galicia. Onde ir. Que ver”, que edita a publicación valdeorresa O Sil. Trátase dunha revista a toda cor de case 200 páxinas para achegarse ás principais referencias do Entroido ourensán, tanto rural como urbano, así como a algunhas das manifestacións carnavaleiras máis senlleiras do resto de Galicia e doutras zonas próximas como Castela e León e o nordeste de Portugal.
Ademais, nesta edición dase xa un pequeno paso internacional achegándose a Italia para coñecer os "Mamuthones e Issohadores" de Sardeña que estiveron este ano na Máscarada Ibérica de Viana do Bolo e Vilariño de Conso.
Entre os seus diversos contidos inclúe espectaculares fotografías -auténticas estampas etnográficas-, amplas reportaxes, información do Entroido nos diferentes concellos, entrevistas a expertos e aos protagonistas da festa e interesantes artigos de opinión. Trátase dunha publicación de coleccionista, para consulta e para gardar de ano en ano polo seu alto valor documental.
A revista “Entroido en Galicia. Onde ir. Que ver” está á venda en diferentes librerías e quioscos do oriente ourensán, así como en Quiroga, e ademais pode mercarse en:
Ourense: Quiosco Marcos, rúa Bedoya, 988 608 147
Verín: Librería AZ, rúa Laureano Peláez S/N (Esq. Montemayor), 988 590 371
Xinzo de Limia: Librería Galaica, Avenida de Ourense, 11, 988 460 355
Laza: Estanco, rúa Barrio, 30, 988 422 128
Santiago de Compostela: Quiosco San Roque, rúa San Roque, 11- Baixo, 981 063 263 / Quiosco Concheiros, rúa dos Concheiros, 39, 981 562 692
Pontevedra: Librería Paz, rúa Peregrina, 29, 986 860 471
Bueu: Librería Miranda, rúa Pazos Fontenla, 35, 986 320 504
Vigo: Librería Librouro, rúa Eduardo Iglesias, 12, 986 221 439
