Os Diplomáticos de Monte Alto regresan este sábado para celebrar o décimo aniversario do Castañazo Rock

Os Diplomáticos de Monte Alto regresan este sábado, día 3 de novembro, para celebrar o décimo aniversario do Castañazo Rock que se celebrará a partir das 21.00 horas no Mercado Gandeiro de Chantada.

Nesta nova reunión, estarán Xurxo Souto (voz), Rómulo Sanjurjo (acordeón), Guni (guitarra), Mangüi (baixa), e Viascón (batería) a formación que, como recordou a organización, "máis tempo durou e máis 'arroutadas' deixou gravadas na memoria do 'bravú' ".

Así mesmo, este concerto será gravado para a súa distribución en plataformas dixitais, tras acordalo así a formación e a empresa Dubidá.