Empeora a situación en Galicia: 33% máis de casos na UCI e 20% máis de contaxiados

Feijóo anticipa xa un empeoramento da situación.

Por Europa Press / Redacción | VIGO | 24/03/2020 | Actualizada ás 12:17

Comparte esta noticia

O número de casos de coronavirus en Galicia ascende a 1.521, un 20,8% máis que os rexistrados o luns tras detectarse 262 novos positivos. Do total de infectados, 68 están ingresados en UCI, 393 en hospitalización e 1.060 permanecen nos seus domicilios.

Diso informou o presidente da Xunta, Alberto Núñez Feijóo, nunha rolda de prensa ofrecida na tarde deste martes, na que deu conta de que hai 17 pacientes máis en UCI (+33%). Ademais, as persoas ingresadas en plantas de hospitais aumentaron en 73, o que supón un 22,8% máis. Pola súa banda, hai 172 novos casos positivos que permanecen nos seus domicilios, o que supón un incremento do 19,37%.

Segundo os últimos datos de Sanidade, na tarde deste martes os falecidos en Galicia con coronavirus elévanse a 23, con tres novos casos este martes. Pola súa banda, recibiron o alta un total de 25 persoas.

Un auxiliar de enfermería protexido contra o coronavirus transporta unha padiola desde unha ambulancia para trasladar un enfermo
Un auxiliar de enfermería protexido contra o coronavirus transporta unha padiola desde unha ambulancia para trasladar un enfermo | Fonte: Miguel Núñez

INCREMENTO DO NÚMERO DE CASOS

Na súa comparecencia, Feijóo sinalou que, como "era previsible" o aumento de casos porque se fan máis test, segun dixo. Pero tamén recoñeceu que a situación pode empeorar nas próximas semanas e ser peor que a media das autonomías.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta