Por E.P. | SANTIAGO DE COMPOSTELA | 19/05/2020 | Actualizada ás 18:32
A conselleira do Mar, Rosa Quintana, apelou á procura dun acordo entre o sector percebeiro e o bateeiro para evitar conflitos entre ambas as partes como os ocorridos recentemente en distintas zonas de Galicia, á vez que avanzou que o seu departamento traballa en "sombrear as zonas máis sensibles" para "evitar" as mesmas e tamén "conflitos".
Así o manifestou tras unha reunión telemática con representantes do sector pesqueiro coruñés na que tamén se abordou a situación que se vive entre ambos os sectores.
Respecto diso, a conselleira asegurou que "o ánimo que ten a inmensa maioría do sector" é a de chegar a un acordo "que permita traballar aos dous sectores". "Nin bateeiros necesitan o percebe para desenvolver o seu cultivo nin percebeiros necesitan a fazula porque non teñen onde comercializar", apuntou a este respecto.
Xunto a un acordo "definitivo" entre as partes, reiterou que a Consellería traballa en "sombrear esas zonas máis sensibles para evitar esas zonas e os conflitos", apostilou tras unha reunión co sector marítimo-pesqueiro da área coruñesa para analizar a situación da cadena mar-industria como consecuencia da alerta sanitaria polo coronavirus.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.