Por Europa Press / Redacción | SANTIAGO DE COMPOSTELA | 05/06/2020 | Actualizada ás 13:47
Os grupos da oposición no Parlamento galego --PSdeG, Común da Esquerda, BNG e mixto (intregrado por En Marea)-- rexistraron unha iniciativa conxunta para demandar que o presidente da Xunta, Alberto Núñez Feijóo, compareza ante a Deputación Permanente para explicar a situación en que está a Corporación Radio Televisión de Galicia.
No escrito, ao que tivo acceso Europa Press e que foi rexistrado na mañá deste venres, os grupos solicitan que Núñez Feijóo acuda ao órgano interino do Lexislativo galego a "dar conta" da situación de "continua manipulación política, utilización partidaria e incumprimento continuo da Lei de medio públicos de Galicia" que, din, atravesa o ente público.
A petición prodúcese un día despois de que, durante a Deputación Permanente celebrada o xoves, a oposición acusase a Feijóo de "esconderse" ao non acudir ao Parlamento a informar sobre a situación de Alcoa e limitar as súas comparecencias á TVG, un medio público que, din os grupos, opera a favor dos intereses da Xunta.
De feito, a deputada de Común da Esquerda Luca Chao avanzou durante a súa intervención do xoves a presentación desta iniciativa conxunta ante os "malos tratos, abandono e manipulación da televisión pública".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.