Ana Miranda insta á Comisión Europea a condenar e loitar "contra o racismo e os discursos que fomentan o odio"

Pide que se condenen os acontecementos ocorridos en Palestina ou o Sahara Occidental, así como o asasinato de George Floyd nos Estados Unidos

Por E.P. | SANTIAGO DE COMPOSTELA | 10/06/2020 | Actualizada ás 13:11

Comparte esta noticia

A portavoz do BNG en Europa, Ana Miranda, instou á Comisión Europea a "impulsar a loita contra o racismo e os discursos que fomentan o odio", presentes, dixo, "nalgunhas formacións políticas do Estado español".

Para Miranda, "as formas contemporáneas de racismo, discriminación racial, xenofobia e formas conexas de intolerancia" son "exemplos do neofascismo a nivel mundial", que "deben de ser combatidas desde todos os ámbitos".

Neste sentido, nun escrito dirixido á Comisión Europea para coñecer que medidas pensa adoptar respecto diso, a portavoz do Bloque en Europea subliñou que a Unión Europea "debe esixir o cumprimento dos diferentes acordos europeos existentes", entre os que destaca a Convención internacional sobre a eliminación de todas as formas de discriminación racial e a Resolución contra o avance do neofascismo en Europa.

"Reclamamos que a Unión Europea condene os últimos acontecementos ocorridos en Palestina ou o Sahara Occidental, así como o asasinato de George Floyd nos Estados Unidos", subliñou Miranda, nun comunicado no que lembra a resolución aprobada polo Parlamento Europeo en novembro de 2018 sobre "o avance do neofascismo"

Ana Miranda, portavoz do BNG en Europa, en 2018. BNG - Arquivo
Ana Miranda, portavoz do BNG en Europa, en 2018. BNG - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta