As oficinas do SEPE reabren ao público en Galicia a partir do 1 de xullo

As oficinas do Servizo Público de Emprego Estatal (SEPE) reabrirán en Galicia ao público a partir do próximo 1 de xullo

Segundo informa este luns a Delegación do Goberno en Galicia, na actualidade trabállase para dotar ás instalacións de "todas" as medidas preventivas de saúde e seguridade co fin de garantir as mellores condicións a funcionarios e persoas que acudan ás oficinas.

A pesar de que máis da metade dos traballadores se acolleron á modalidade de teletraballo, o resto mantivo o traballo presencial para tramitar as miles de prestacións derivadas da crise sanitaria da COVID-19.