Ecoloxistas denuncian que algúns partidos seguen mandando propaganda "pola porta de atrás" a electores que se deron de baixa

Esixen ás autoridades que fagan cumplir a normativa fronte a partidos que "esquivan" a lei.

Por Galicia Confidencial | SANTIAGO DE COMPOSTELA | 08/07/2020 | Actualizada ás 13:30

Comparte esta noticia

A asociación ecoloxista Verdegaia vén de denunciar que "varios partidos políticos" seguen a enviar propaganda electoral a votantes que pediron ser excluídos dunha práctica que xera "grandes cantidades de lixo". Segundo apuntan nunha nota remitida a medios, determinadas formacións políticas que evitan nomear directamente están a "esquivar" a normativa que contempla a exclusión de máis de medio millón de electores en todo o estado.

Votos. EUROPA PRESS - Arquivo
Votos. EUROPA PRESS - Arquivo

Segundo apuntan dende a plataforma, estes partidos buscan unha "porta de atrás" pola que seguir achegando a súa publicidade a votantes obxectores evitanto sinalar no sobre un destinatario concreto pero garantindo que este sexa distribuído ó domicilio da persoa. Ante esta situación, Verdegaia insta ás autoridades a rematar cunha irregularidade que contribúe a agravar o "importante dano ambiental" que, segundo apuntan, supoñen as campañas electorais no medio ambiente.

"LIXO ELECTORAL"

"Na actual situación de crise climática, pensamos que é preciso cuestionarse o xeito en que se organizan as campañas electorais, xa que xeran unha cantidade considerable de residuos, que pensamos que podería reducirse adoptando algunhas medidas" apuntan no comunicado, que recolle un chamamento directo a todos os partidos para reducir o seu "lixo electoral".

Paralelamente, fan un recordatorio de que a páxina do censo electoral está dispoñible para aquelas persoas que prefiran deixar de recibir esta propaganda en futuras convocatorias ás urnas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Sentidiño

O BNG faino, cousa que me rebenta. Eu dinme de baixa do reparto, mais recibo papeletas dirixidas a "Residentes en rúa x número x piso y". Van ao lixo, e imaxino que a reciclaxe, cando o mellor tería sido non fabricalas.