Existe terrorismo en Galicia?
Menos do 1% dos cidadáns cre que é un problema. O 70% fala do paro, do traballo e da crise. Este é o resultado dunha enquisa cidadá. Vídeo no interior.
Por Galicia Confidencial | Compostela | 17/02/2013 | Actualizada ás 15:00
"A min preocupame o paro. Eu estou no paro e meu home tamén", di unha muller. "O paro", di unha segunda. "O paro e a falta de traballo", di unha terceira. "O paro e a emigración e como estudantes pois, imaxinate", di un mozo. "A min a crise, como a todos", engade un home. "Para min o traballo, aínda que estou xubilado", apunta outro. "O traballo porque sei o difícil que é ter un", asegura outro mozo.
Son as respostas que dan un grupo de cidadáns nunha enquisa realizada por estudantes da Facultade de Xornalismo de Santiago. "Traballo" e "paro" son as palabras máis pronunciadas. Pero tamén hai críticas aos partidos e á corrupción.
Paro
Precisamente, o paro e a falta de traballo é a principal preocupación para o 70% dos cidadáns; para o 39% é a crise e a actual situación económica e para o 30% os políticos e a corrupción. O terrorismo, que estaba no primeiro posto hai tan só uns poucos anos, caiu ata menos do 1%.
Terrorismo
Nesta enquisa preguntaselle sobre esta cuestión. As respostas son significativas. "Para min non", di un. "Non penso que sexa un problema agora", di outro. "De momento, non", repiten dous. "Non hai terrorismo en Galicia", asegura un terceiro. "No sé. Hace poco salió por la tele el grupo este terrorista gallego... los Grapo, no?", di outro. "A min atemorizamete, aínda que comigo non se meteron e por iso xa verei se o creo ou non", asegura outra muller. "Catro artefactos nun caixeiro iso non é terrorismo", apunta outro rapaz. "Iso é vandalismo, máis que nada", engade unha xubilada.
As persoas que pensan que existe terrorismo en Galicia din que o viron no "telexornal", que "escoitaron algo", que "cren" que lles dixeron "algo". Este é o vídeo:
