Morre un home en Carnota tras envorcar o kaiak no que viaxaba
O home foi visto por última vez en Caldebarcos cando había forte vento.
Por Galicia Confidencial | Carnoga | 19/07/2020 | Actualizada ás 22:36
Salvamento Marítimo atopou a últimas horas desta tarde a un home que estaba sendo buscado deste había unhas horas tras envorcar o kaiak no que viaxaba.
O home, segundo fontes consultadas por GC, saíu de Lira sobre as 17.30 horas cun kaiak e a súa intención era chegar a Caldebarcos. Pasadas as 20.00 horas deuse a voz de alarma logo de que algunhas persoas escoitaran ao home pedir auxilio á altura de Panchés cando "venteaba moito na zona".
Inmediatamente deuse aviso a Emerxencias e Salvamento Marítimo mobilizou un helicóptero. Segundo as fontes consultadas o corpo puido ser atopado xa preto das illas Lobeiras.
Este é o seguindo accidente de Kaiak en Galicia en quince días. De feito, aínda se seguen buscando ás dúas persoas que se accidentaron en Porto do Son hai dúas semanas.
