A Deputación da Coruña impulsa o proxecto audiovisual 'O rural de todas'

Busca contribuír a dar unha maior visibilidade ao traballo das mulleres no rural.

Por E.P. | Santiago de Compostela | 30/07/2020 | Actualizada ás 18:00

Comparte esta noticia

Baixo o nome 'O rural de todas', a área de Igualdade da Deputación da Coruña puxo de marcha un proxecto para contribuír a dar unha maior visibilidade ao traballo das mulleres no rural.

Gandeira en plena labor
Gandeira en plena labor | Fonte: Fademur

En concreto, trátase dun proxecto audiovisual, un documental, cos testemuños de varias mulleres de distintos perfís. Para participar no proxecto foron seleccionados cinco concellos, con diferentes criterios estatísticos: Toques, Aranga, Teo, Muxía e Ortigueira.

"Se as mulleres foron silenciadas na historia, en determinados ámbitos foron dobremente invisibilizadas. No rural sucede e, desta maneira, descoñécese o traballo que desenvolven e o papel que cumpren en distintos ámbitos, no traballo produtivo e tamén na transmisión da cultura ou nos afectos... Este proxecto ten como obxectivo visibilizarlas e darlle o protagonismo que merecen", sinalou a deputada de Igualdade, María Muíño.

Seguindo un enfoque participativo e baseado na reflexión e o debate, as novas e as mulleres protagonistas traballan ao redor de dous conceptos principais: igualdade e identidade rural. A través de distintas dinámicas que fomenten a implicación, irase desenvolvendo o guión do documental 'O rural de todas', así como propostas de contidos e de localizacións para as gravacións.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta