A CRTVG ordena o peche dunha web de fans do Clube Xabarín

Os responsables do ente público ameazaron con "accións legais" se non se pechaba. O ente público contesta que ten que vixiar a "propiedade intelectual dos autores"

Por Galicia Confidencial | Compostela | 06/03/2013 | Actualizada ás 11:47

"Por orde da CRTVG e baixo ameza de emprender accións legais, vímonos obrigados a retirar a web da rede". Así se expresa un dos creadores da web Xeración Xabarín, até agora accesíbel no enderezo http://xabarin.org.

Este proxecto naceu no ano 2007 como unha web dos fans deste programa con moita sona entre o público infantil e mozo. "Vendo que a TVG maltrataba sistematicamente un dos seus programas máis emblemáticos, e que era practicamente imposíbel encontrar información sobre o Xabarín Club na Internet, decidimos crear un espazo feito por e para fans", suliña un dos promotores desta web.

Sin promoción oficial

Precisamente e despois da renovación total da web da CRTVG, é moi difícil encontrar nela algunhas informacións básicas. "Por exemplo, as instrucións para facerse socio do clube só podían encontrarse no noso web e non no oficial. Tampouco existe unha conta oficial do Xabarín Club no Twitter, sendo a feita por nós a que interactuaba cos fans e informaba das novas relacionadas co clube", suliña.

Por iso, critica a decisión da CRTVG e lembra que non foi a Televisión de Galicia, senón os seus fans, "quen mantiveron aceso o fenómeno Xabarín estes anos".

Para os nolstálxicos os promotores da web deixaron unha despedida na súa conta de twitter: https://twitter.com/xeracionxabarin/status/309023877860847616

Dereitos de emisión

A través da súa conta de Twitter a CRTVG respondeu a esta polémica agradecéndolle os seareiros do Xabarín o seu soporte. Pero suliña que, a petición da retirada da web foi porque "parte do seu traballo" é "vixiar a propiedade intelectual dos autores". "E neste caso nin nós mesmos temos os dereitos de emisión na Internet de moitos dos contidos compartidos. Podedes estar tranquilos, cada día segue habendo Xabarín na Tvg2 para todos os que o queiran gozar", suliñan.

3 outro mais

Están usando outros métodos mais sinxelos para eles e moito mais eficaces para os seus obxectivos. Non comprar productos de calidade. Teño tres cativos aos que lles poño na tele o xabarín, mais eles agora neganse a velo, evidentemente non por estar en galego, senón pola calidade. Os meus ven a tele no almorzo, e dicir sobre as 8:15h,que están cos Picapedra na TVG, e non poden competir coa nova versión da Abella Maia, por exemplo, ou con Dora exploradora.

2 titvs

Ata cando imos seguir permitindo que a Xunta de Feijóo desfaga todo o que teña que ver co galego? evidenetemente o xabarín club animaba a falar en galego aos mais pequenos, que son o futuro, e con estas medidas de "maltratar" o programa os mais pequenos e mozos ficamos sen un referente á nosa altura..ou pretenderan facer caso a Caneiro e nos meterán documentais acerca de Rosalía?Se polo menos inda fora a Rosalía de Air Galicia......

1 Ronsel

Pois ate que a xente deixe de votar ao PP... por outra banda non comprendo a túa teima contra Rosalía, a primeira que en 5 séculos escribiu en galego sobre o pobo galego.