Por Europa Press / Redacción | Santiago de Compostela | 10/08/2020 | Actualizada ás 16:37
Un home morreu na tarde deste luns nun accidente rexistrado ao quedar atrapado entre un tractor e unha parede no termo municipal de Teo (A Coruña). Así o informaron a Europa Press fontes do 112 Galicia, que relataron que este sinistro tivo lugar sobre as 14,45 horas no lugar de Faramello, na parroquia de Calo.
Tras o aviso dunha persoa particular, o 112 mobilizou a persoal sanitario, Bombeiros de Santiago e Ordes, GES Padrón e A Estrada, servizo municipal de Protección Civil da Estrada e Teo, así como Policía Local e Garda Civil.
A pesar dos esforzos do persoal sanitario desprazado ao lugar do accidente, nada puideron facer por salvarlle a vida ao home, confirmaron as mesmas fontes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.