Ferrín impón a súa posición na RAG antes de deixar a Presidencia

A Real Academia recorre ante o Supremo o decreto do plurilingüismo pedindo a súa "anulación total". Con todo, queda aberta a posibilidade de retirar os recursos de Xunta e RAG no futuro.

Por Xurxo Salgado | A Coruña | 11/03/2013 | Actualizada ás 22:19

"Algúns académicos, unidos a persoas externas, fixéronme sentir que non teño sitio na RAG". Este foi un dos argumentos que deu o aínda presidente da RAG, Xosé Luis Méndez Ferrín, ao dimitir deste cargo. A advertencia ía dirixida a algúns académicos que, previamente, o secretario desta institución, Xosé Luís Axeitos, vinculaba co ILGA e co Consello da Cultura Galega.

Estas supostas presións que denuncia Ferrín estaban vinculadas, precisamente, co recurso que a RAG fixo contra o decreto de plurilingüismo e que, derivaron, despois, en críticas a súa xestión e, sobre todo, na publicación de varias informacións nas que se daban conta da vinculación laboral de varios dos seus achegados coa RAG. e que o aínda presidente cre que tivo o respaldo de "xente de dentro".

Acordo

Pero, finalmente, a decisión de recorrer ante o Tribunal Supremo o decreto da Xunta sigue adiante. "Logo do seu anuncio de marchar ninguén quixo poñerlle trancas no camiño", apuntan fontes consultadas por GC coñecedoras de todo o que acontece na RAG. "Ningún dos académicos quere, agora, que se dea a sensación que houbo un veto a esta decisión e, precisamente, para invalidar esas insinuacións que fixo tanto el como o propio Axeitos", sinalan.

Con todo, o órdago que lanzou o propio Ferrin aínda non rematou. Conseguiu, finalmente, o seu principal obxectivo, que era recorrer o decreto e, evitar así, que a Xunta puidera convencer aos académicos de que cambiaran de opinión e se fora pola "vía do diálogo".

Diálogo

Tal e como informou GC a pasada semana, hai meses que destacados dirixentes do Goberno galego, incluído o propio Núñez Feijóo, estaban tentando buscar unha solución "pacífica" á xudicialización do decreto do galego. A ofensiva de denuncias contra este decreto e, sobre todo, que a xustiza decidira admitir algúns deles, provocou unha reflexión na cúpula do Goberno galego e, principalmente, na Consellería de Cultura.

Por iso, altos cargos da Xunta mantiveron conversas con representantes do mundo da cultura en Galicia, nomeadamente, de entidades representativas como a RAG e o Consello da Cultura Galega (CCG) para tentar buscar unha postura "consensuada" e evitar a xudicialización do decreto. Pero, finalmente, non houbo acordo. O anuncio feito este luns por Ferrín, a quen acompañou a cúpula da RAG, dá a entender que, finalmente, o decreto do galego xudicializarase.

Recurso

Finalmente, a RAG presentou un recurso de casación ante o Tribunal Supremo contra o decreto do plurilingüismo no que pide a súa "anulación total", despois de que o Tribunal Superior de Xustiza de Galicia (TSXG) anulase algúns dos seus apartados.

A Academia estivo a esperar, segundo Ferrín, até esgotar o prazo para presentar o recurso, unha "reacción" por parte da Administración autonómica. Ao fío diso, dixo que, ao non existir "diálogo", víronse "obrigados" a presentar o recurso contra un decreto "que se afasta do mandato normalizador", recalcou.

O acordo da RAG foi "por unanimidade". A RAG presentou o recurso o pasado 4 de marzo, despois de que a Xunta de Galicia fixera, con data 14 de decembro de 2012, un escrito de preparación de casación, que ratificou sete días despois.

Retirada do recurso

O secretario xeral de Política Lingüística, Valentín García, confirmaba a pasada semana que a Xunta acudiu ao TS para presentar un "posible" recurso de casación polas sentenzas contrarias ao decreto emitidas polo TSXG. En todo caso, deixaba claro que, polo momento "non hai nada decidido" e que, aínda que o presentaran, tamén o poden retirar "en calquera momento".

E é que, tanto na Xunta, como na RAG hai quen conserva aínda esperanzas de que a situación se poida reconducir tras a marcha de Ferrín da Presidencia da academia. Nas xuntanzas que se mantivo ao máximo nivel entre dirixentes da Xunta e académicos da RAG deixouse a posibilidade de retirar os recursos "se se chegaba a algunha solución que satisfaga a todas as partes", confirman a GC as fontes consultadas.

Noticias relacionadas

5 O evidente1

Vexamos : 1.- A decisión da RAG (e da Xunta), de formalizar recurso de casación, evita a firmeza da sentenza do TSXG. Consecuencia : o Decreto do plurilinguismo pode seguir executándose na súa integridade, incluidos os apartados anulados. Si, pódese pedir a execución provisional da sentenza, pero é moi improbabel que o TSXG a outorgue. 2.- Desde o punto de vista xurídico, ten máis probabilidades de prosperar o recurso de casación da Xunta que o da RAG. Calquera que profundice algo do asunto poderá confirmalo. En casación, está vedada a interpretación da normativa autonómica, co cal a maior parte do contido substantivo do recurso en primeira instancia que formulou a RAG queda agora sen interese casacional. O argumento da eventual vulneración do procedemento legalmente establecido no Decreto 79/2010 queda moi limitado cando, como é o caso, non hai norma que determine a emisión de informe preceptivo da RAG na elaboración das disposicións xerais.

1 Ler

Non alucines. Simplemente podes ler a sentenza do TSXG que resolveu o recurso da RAG. O recurso de casación só pode ter por obxecto as cuestións alegadas no procedemento diante do TSXG e só aquelas que apliquen normativa estatal ou comunitaria ou a propia Xurisprudencia do Supremo. Non é ser pitoniso, é ler a lei da xurisdición contencioso-administrativa.

4 Dora Avante

Ah, ben: dicía que se anda contando pola rede que Monteagudo podería contar algunha cousa en relación ás fltracións dos plenarios segredos da RAG, esas que chegaron a ABC e ó autor do blogue que se cita abaixo. Tamén acaban de comentar en Praza que Filipe Díaz escribe ó ditado de Monteagudo, ou Praza, non me acordo moi ben. Pero quen sabe, non hai que dar creto a todo o que se le na rede neste país.

1 Dora Avante

Ah, e quero asegurar que non son un clon e ó mellor a que acusa a Felipe Díaz en Praza tampouco ou eso me parece a min.

3 semoncho

Por outra banda, para ter umha visom mais ampla do assunto é muito recomendável ler o blogue "extramuros": http://filipediez.tumblr.com/post/4...

1 Terráqueo

Nem tu tampouco, Lois. Por certo, que andas tu a fazer por este meio digital gratuíto?

2 Manoliño

¿Escribiuno como Filipe ou clonándose e establecendo un diálogo entre o nick que se inventa e o seu proprio? Agora mesmo ten unha conversa "violentísima" cun monteagudista que é el mesmo, como parece evidente, ao que lle di que fai falla ser rastreiro ou similar; tamén se inventou a unha tía que parece de GB, aínda que é el mesmo para animar o fío e que a xente participe, etc. E todo nun mesmo fío sobre o recurso da RAG :)

3 semoncho

Eu nem som Lois, que nom sei quem é, nem tenho nada a ver com sr. Filipe Diez, tam só acho interessante a sua perspectiva sobre o assunto. Quem queira saber algo sobre mim pode ler o meu blogue http://efugidios.blogspot.com.es/20...

2 semoncho

Quem levou o pau?.

1 Manoliño

A última resolución do TSXG foi un pau moi grande porque so anulou dous artigos, e os recorrentes pedían tamén a anulación total. Supoño que o novo recurso estará dirixido pola filla de Camilo Nogueira (nunca lembro o seu nome), equipo que me parece bo para facer enxñería xurídica, ou para recorrer disposición do tipo feita a lei feita a trampa, como ocorreu co concurso eólico onde había enxeñería xurídica na disposición, pero cando non hai esa enxeñería previa, caso do decreto do plurilingüismo, non me parecen tan bos, como puxo de manifesto o pau que lles deu o TSXG. Xa se verá.