Feijóo critica á Fiscalía por pedir arquivar as querelas contra o Goberno na xestión da pandemia
"Temos unha Fiscalía que é moi dilixente para os asuntos que lle interesan ao Goberno", ironizou.
Por Europa Press / Redacción | SANTIAGO DE COMPOSTELA | 15/09/2020 | Actualizada ás 17:47
O presidente da Xunta de Galicia, Alberto Núñez Feijóo, sinalou que a actuación da Fiscalía foi "moi dilixente" ao pedir o arquivo das querelas presentadas contra o Goberno de España pola xestión da pandemia de coronavirus.
Así o trasladou, en declaracións aos medios, o titular do Executivo galego, tras manter un encontro co Rei Felipe VI no Palacio da Zarzuela, con motivo da súa reelección como presidente da Xunta.
A preguntas dos medios sobre esa petición do Ministerio Público, Núñez Feijóo sinalou que non falara desa cuestión co monarca, pero engadiu. "A maioría de españois ten a súa propia opinión. Temos unha Fiscalía que é moi dilixente para os asuntos que lle interesan ao Goberno, e non tanto para os asuntos que non lle interesan ao Goberno", ironizou.
Por outra banda, e con respecto á situación política en España, confirmou que é unha cuestión que abordou con Felipe VI, pero limitouse a sinalar que viu ao monarca "perfectamente informado e absolutamente coñecedor da situación do país".
