Por Europa Press / Redacción | Compostela | 18/09/2020 | Actualizada ás 13:50
A portavoz nacional do BNG, Ana Pontón, reclamou un "fondo extraordinario" para o inicio do curso escolar para sufragar a seguridade nos centros, a baixada de cocientes de alumnos e a contratación de máis profesores. Desta maneira evitaríase, denunciou, os "bandazos, improvisación e tomaduras de pelo" que achaca ao Goberno galego.
Nun almorzo informativo na Coruña, Pontón afirmou que a cifra de novos docentes é "insuficiente" e considerou que se houbese máis recursos económicos evitaríase que as familias "paguen máis". "A volta ao colexio é máis cara nun momento de crise", criticou, apuntando que o custo de comedores ou actividades aumentou "ata nun 40%".
A líder do BNG censurou que "despois de seis meses", desde o inicio da pandemia, non se iniciasen as clases na data establecida inicialmente e preguntouse "en que se gastan os 84 millóns de euros extra do Estado". Aínda que os cualificou de "insuficientes", denunciou que non se coñece o destino que lles dará o Goberno autonómico.
"Os pais e nais están a levar hidroxel aos colexios porque os equipos directivos teñen que escoller entre calefacción ou hidrogel", destacou a portavoz nacional do BNG, que tamén defendeu que a Xunta achegar fondos para as desinfeccións de centros educativos que agora asumen os Concellos.
CAMBIOS NO GOBERNO GALEGO
Cuestionada polos cambios nas estruturas nas Consellerías de Sanidade, Educación e Política Social, Pontón remarcou que o importante non son "os cambios de cara". "Temos que ver cal é o cambio nas políticas", apuntou, pedindo que se haxa unha "lectura adecuada" das necesidades nos tres ámbitos por parte dos novos responsables autonómicos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.