Récord de mortes en Galicia: Oito nas últimas horas
O cómputo de vítimas da pandemia en Galicia elévase a un total de 765. Os oito falecidos tiñan patoloxías previas.
Por Europa Press / Redacción | SANTIAGO DE COMPOSTELA | 05/10/2020 | Actualizada ás 20:02
Galicia rexistra oito novas mortes con coronavirus na xornada con máis falecidos notificados pola Consellería de Sanidade no últimos cinco meses, desde o pasado 5 de maio --cando houbo nove vítimas mortais--.
De tal forma, o cómputo de vítimas da pandemia en Galicia elévase a un total de 765. Os oito falecidos tiñan patoloxías previas.
En concreto, hai catro homes falecidos: de 88 anos, no hospital de Verín; de 85 anos, en hospital de Pontevedra (CHOP); de 88 anos, no Complexo Hospitalario Universitario de Santiago; de 84 anos, no hospital do Barco de Valdeorras.
Pola súa banda, as catro mulleres falecidas son: unha de 73 anos no Chuac da Coruña; unha muller de 91 anos, no Chuvi de Vigo; unha de 97 anos no hospital de Ourense (procedente de residencia As Salinas); e unha muller de 77 anos, falecida no Lucus Augusti de Lugo (procedente da residencia Domusvi de Outeiro de Rei).
O número de falecidos diagnosticados con coronavirus desde o comezo da 'nova normalidade' ascende a 144. A primeira morte deste período foi a dunha muller o 7 de agosto. Antes diso, a Comunidade galega encadeara case dous meses --desde o 10 de xuño-- sen decesos relacionados co coronavirus.
