Por Europa Press / Redacción | PONTEVEDRA | 17/10/2020 | Actualizada ás 13:01
O carril da AP-9 que permanecía cortado este sábado á altura do municipio de Poio, pola aparición dun cadáver na estrada, reabriu ao redor das 12,20 do mediodía.
Así o confirmaron fontes da Dirección Xeral de Tráfico (DXT), despois de que o achado do corpo no punto quilométrico 130 da autoestrada obrigase a restrinxir a circulación nun carril en sentido Vigo.
En concreto, as forzas da orde tiveron constancia da aparición do corpo ao fío das 10,30 horas deste sábado. Seguidamente, o 112 deu o aviso a Urxencias Sanitarias-061, á Garda Civil de Tráfico, á Policía Local de Poio e ao servizo de mantemento da estrada.
Ademais, a DXT informara do corte do carril para facilitar os labores dos servizos de emerxencias. Estas mesmas fontes precisaron que "non houbo" grandes retencións na AP-9 porque na mañá do sábado houbo "pouco tráfico", aínda que a circulación si se retardou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.