Feijóo rexeita a moción de Vox: "Esta non é a nosa moción de censura"
Asegura que só "beneficia" ao Goberno.
Por Europa Press / Redacción | CORUÑA, A | 19/10/2020 | Actualizada ás 12:29
O presidente da Xunta, Alberto Núñez Feijóo, trasladou o seu rexeitamento á moción de censura de Vox, da que manifestou que "beneficia" ao Executivo e "prexudica á alternativa de goberno". "Dáme a sensación que lle vén moi ben ao Goberno e moi mal á unidade da alternativa que é a oposición", sentenciou a preguntas dos xornalistas tras visitar a sede da ONG Ecos do Sur.
Preguntado por cal cre que debe ser o sentido do voto do PP, expuxo que descoñece "o que vai decidir" o seu partido finalmente. "Entendo que o que estamos a facer é valorando cal é a situación", dixo. No entanto, recalcou que esta é unha moción de censura dun partido político "que non pactou con ninguén, nin expuxo con ninguén facer unha moción ao Goberno".
Ao fío diso, sinalou que o PP é "o primeiro partido da oposición en España". "Esta non é a nosa moción de censura, parece deseñada polo Goberno para gañala facilmente". Así, sentenciou que se o que se quere é unha alternativa ao Goberno "o lóxico non son mocións unilaterais para que salga máis fortalecido", engadiu. Por outra banda, incidiu en que se se pretende falar "en serio" de alternativas ao Executivo de PSOE e Podemos espera que haxa "ideas máis brillantes".
