A CIG anuncia mobilizacións fronte ao "centralismo" do plan de reconstrución

A CIG trasladará ao Goberno central, á Xunta e aos grupos parlamentarios un plan alternativo con medidas transversais, sectoriais e sociolaborais para lograr unha saída "xusta" da crise provocada pola pandemia da covid-19, fronte a unhas formulacións para a reconstrución nos que advirte "centralismo" con base nas "receitas de sempre".

Segundo destacou o secretario xeral da central nacionalista, Paulo Carril, este martes en rolda de prensa, a CIG desenvolverá un calendario de mobilizacións para dar a coñecer este documento, porque está "en xogo" o futuro de Galicia.

"Por moito que vaian ser postas en marcha por un suposto goberno progresista, as medidas da chamada reconstrución non deixan de ser as receitas de sempre, ditadas desde a Unión Europea dominada polo capital e asumidas acríticamente polo Executivo de PSOE e Unidas Podemos", advertiu. Estas medidas "aplícanse, ademais, desde unha visión fanáticamente centralista e negadora da realidade plurinacional do Estado", criticou Carril.

De feito, mostrouse preocupado por que os criterios de repartición dos fondos europeos continúen coa "discriminación permanente" que denuncia que sofre Galicia, e que ve "palmaria e evidente".

Preguntado pola comisión de recuperación no Parlamento galego, tamén apuntou "preocupación" por se se está "asistindo a un novo enredo da maioría do PP na Cámara", e rexeitou que este grupo "siga consumando unha política destrutiva do emprego" e "de inacción". En concreto sobre os proxectos da Xunta para captar fondos europeos, lamentou a "política de oídos xordos" da Xunta, á que acusou de non estar "disposta a traballar de forma conxunta, sen sectarismos, para pór sobre a mesa os mellores proxectos".

DOCUMENTO

Así as cousas, Carril deu a coñecer un documento en cuxo primeiro apartado recolle propostas para "afianzar a intervención pública" nos sectores produtivos estratéxicos e no financeiro. Aposta pola creación dunha banca pública galega, o "retorno" ao sector público de empresas privatizadas (como Alcoa e Alu Ibérica), a formalización dun concerto económico e a xestión directa dos fondos europeos destinados á comunidade galega.

Tamén avoga por unha fiscalidade "progresiva e máis xusta", por aumentar o investimento en I+D+i e pola mellora dos servizos públicos, con "especial atención" á educación, a sanidade e os coidados. En canto á transición enerxética, entre outras medidas, defende a creación dunha tarifa eléctrica propia, a racionalización da xestión do monte, a creación dunha empresa pública galega de electricidade que xestione as centrais hidroeléctricas, a inclusión de Galicia no plan de acción para o carbón

Paulo Carril (CIG). CIG - Arquivo