A Xunta defende o traballo do Intecmar a pesar de que as confarías teñen que facer analíticas privadas

A conselleira do Mar, Rosa Quintana, defendeu o traballo "tanto cualitiva, como cuantitativamente" que realiza o Instituto Tecnolóxico para ou Control do Medio Mariño de Galicia fronte ás críticas lanzadas polo BNG, que advertiu de "atrasos" na elaboración de probas das que, mesmo, "non se fían" as propias confrarías e produtores.

No pleno que acolle este mércores a Cámara galega, a conselleira respondeu á pregunta parlamentaria formulada pola deputada nacionalista Rosana Pérez, que puxo en dúbida o correcto funcionamento dun centro "que custa aos galegos 3,6 millóns de euros ao ano e só fai análise de luns a venres".

Isto, segundo expuxo, provoca que as confrarías e produtores teñan que recorrer a laboratorios privados ante os "atrasos" á hora de dispor de probas das que, segundo a deputada, "mesmo non se fían" das que realiza o Intecmar.

En resposta, a conselleira enxalzou o "traballo cuantitativo e cualitativo" deste centro, que constitúe "unha referencia a nivel mundial" e que conta con "información en tempo real", o que lle levou a acusar á parlamentaria do Bloque de "tratar de confundir á opinión pública" con datos que "non corresponden" coa realidade.

Neste sentido, o debate virou en torno ao peche da ría de Noia ao marisqueo polo achado dunha toxina nunha analítica encargada pola confraría de pescadores a unha entidade privada, que avanzou Galicia Confidencial, unha situación que, para o BNG, constitúe un exemplo da "moi mellorable folla de servizos do Intecmar".

Por contra, a conselleira asegurou que "en ningún momento" Intecmar detectou niveis que requirisen o parón da actividade, un "peche cautelar" baseado na análise dun laboratorio privado que Quintana non quixo "cuestionar".

Bateas de cultivo de mexillón nas rías galegas. C.R. MEXILLÓN DE GALICIA - Arquivo