Requisan 200 quilos de marisco nun operativo contra o furtivismo na ría de Ferrol
As especies comisadas estaban vivas, polo que os axentes procederon a devolvelas ao mar. A Consellería pide aos consumidores que non se compren produtos fóra das canles legais de comercialización.
Por E.P. | SANTIAGO DE COMPOSTELA | 23/10/2020 | Actualizada ás 14:54
Axentes Gardcostas de Galicia requisou uns 200 quilos de distintas especies de mariscos, así como 19 útiles nun operativo contra o furtivismo na ría de Ferrol.
En concreto, comisáronse 70 quilos de ostra, 70 quilos de mexillón, 20 quilos de 'voandeira'; 15 quilos de 'pateiro', cinco quilos de berberecho, cinco quilos de nécora, catro quilos de ameixa babosa e catro quilos de 'carneiro'.
Estes axentes, dependentes da Consellería do Mar, tamén interviñeron, 19 útiles entre os que se atopaba 10 sacos, sete viveiros e dous capachos, que contiñan a mercadoría fondeada nas zonas dos pantaláns.
As especies comisadas estaban vivas, polo que os axentes procederon a devolvelas ao mar. A Consellería pide aos consumidores que non se compren produtos fóra das canles legais de comercialización.
