O Concello de Ourense elabora un censo de persoas sen teito para axudar a conter a covid-19
Por E.P. | Ourense | 29/10/2020 | Actualizada ás 17:53
As concellerías de Asuntos Sociais e Seguridade Cidadá do Concello de Ourense están a realizar un censo de persoas sen teito na cidade, un traballo que esperan terminar a próxima semana e que ten como finalidade "axudarlles o máximo posible" na prevención de contaxios por covid-19, segundo dixo o edil Telmo Ucha.
"Non podemos quedarnos de brazos cruzados ante xente sen recursos para que adopten as medidas de prevención necesarias e, mesmo, no caso de que sexa necesario, proporcionarllas", dixo o concelleiro.
Para isto, creouse un operativo no que colaboran Protección Civil e a Policía Local, que inclúe visitas ás persoas sen teito para coñecer, caso por caso, a súa situación. Unha vez se recolla toda esta información, valorarase desde Asuntos Sociais as medidas a adoptar.
