Case oito millóns de euros irán destinados a loitar contra a covid nas áreas da Coruña e Cee, e de Vigo
A maior parte deste investimento irá para material de laboratorio e equipos de protección individual, completándose o orzamento coa contratación de determinados traballos e servizos.
Por E.P. | SANTIAGO DE COMPOSTELA | 09/12/2020 | Actualizada ás 20:35
O Goberno galego destinará case 7,7 millóns de euros a loitar contra a covid-19 nas áreas sanitarias da Coruña e Cee, e de Vigo.
A maior parte deste investimento irá para material de laboratorio e equipos de protección individual, completándose o orzamento coa contratación de determinados traballos e servizos.
A adquisición deste material e a contratación de obras e servizos enmárcase dentro do protocolo de actuación para facer fronte á epidemia que no seu día elaborou o comité de expertos.
CENTRO INTEGRAL DE SAÚDE DE LALÍN
Por outra banda, o presidente galego, Alberto Núñez Feijóo, tamén informou de que a Xunta autorizou a licitación das obras do novo centro integral de saúde de Lalín, cun investimento de máis de 9 millóns de euros.
O Executivo galego prevé licitar as actuacións na segunda quincena deste mes, para inicialas a próxima primavera.
TRANSPORTE PARA HEMODIÁLISE
Tamén este mércores informouse de que o Sergas investirá máis de 600.000 euros no transporte para hemodiálisis na provincia de Lugo.
Este servizo, que se realiza en convenio coa asociación Alcer, beneficiou a case 180 pacientes durante o ano pasado.
