Celso Emilio, o poeta social que pasou de fundar a UPG a militar no PSOE

Pouco queda que dicir de Celso Emilio Ferreiro. Poeta comprometido, exerceu como voz da Galicia silenciada polo Franquismo, cuxos lamentos no baleiro foron salvados para a perpetuidade no clásico Longa noite de pedra. Hoxe sabemos que a Longa Noite de Celso Emilio, unha das obras culminantes da súa traxectoria, tivo a súa orixe nunha breve estadía como preso no Mosteiro de Celanova, en 1937. 

O poeta e autor Celso Emilio Ferreiro

Mobilizado polas tropas 'Nacionais', Celso Emilio estivo a piques de ser executado logo de pronunciarse publicamente contra os actos de guerra perpetrados polos que había de rematar sendo o exército Franquista. Este fito resultou quizais determinante na traxectoria que había de tomar Celso Emilio --por aquel entón, un mozo de 25 anos cunha soa obra publicada-- como poeta social; cometido que o trocaría, en certo modo, no Curros Enríquez do século XX.

O compromiso social de Celso Emilio, porén, foi máis alá da vertente puramente literaria. O auror de Onde o mundo se chama Celanova conta tamén cun longo historial de participación política. Así é que, en 1964, Celso Emilio participou na fundación da Unión do Povo Galego; creación que levou a cabo da man de Méndez Ferrín, entre outros. Porén, pouco había de durar o compromiso co partido marxista. Hoxe sábese que, ao regresar de Venezuela no 73, Celso Emilio tiña xa pouco que ver coa UPG. Na transición achégase ao PSG de Beiras e, a poucos meses de morrer, remata por afiliarse ao PSOE.

Os tuiteiros galegos non deixaron desatentida a efeméride do poeta.

Tal día coma hoxe do ano 1912 nacía en Celanova o Celso Emilio Ferreiro, poeta, escritor e político nacionalista. Máximo expoñente da poesía social en lingua galega, a súa obra "Longa noite de pedra" é un dos libros chave para entender a literatura galega contemporánea.

👇👇 pic.twitter.com/NbqcG7pFf1

— OrgulloGalego (@OrgulloGalegoGz) January 4, 2021

#TalDíaComaHoxe de 1912 nacía en Celanova Celso Emilio Ferreiro. Fundador das Mocidades Galeguistas en Celanova, foi un dos máximos expoñentes da poesía social. A súa obra, Longa noite de pedra é fundamental para entender a literatura galega contemporánea. pic.twitter.com/h8u8xgSrjG

— Galiza Sempre (@galizasempre) January 4, 2021

⏮️ #SucedeuEnGaliza • Celso Emilio Ferreiro.
📍 #Celanova (#Ourense)
🗺️ #Galiza #Galicia

📆 #4deXaneiro

9️⃣0️⃣5️⃣ pic.twitter.com/lBKkUl2ZQ6

— O Celso Kazama | 🛰️ | 🏳️‍🌈 (@KazamaGZ) January 4, 2021