Por Europa Press / Redacción | SANTIAGO DE COMPOSTELA | 19/01/2021 | Actualizada ás 12:48
As UCI galegas experimentaron un incremento de ocupación no últimos sete días do 68% e son as da Coruña, Ferrol e Santiago as máis afectadas, aínda que, de forma global, esta ocupación aínda se sitúa por baixo do pico da primeira onda e do 15% da capacidade máxima do plan de continxencia.
Segundo explicou o xerente do Sergas, José Flores, durante a rolda de prensa para dar conta das medidas tomadas polo comité clínico do luns, a presión hospitalaria é unha das cuestións que "preocupan" a día de hoxe ás autoridades.
De feito, no últimos sete días aumentou un 58% a hospitalización, con peores datos na Coruña, Ferrol e Ourense; e un 68% a ocupación en UCI, coa Coruña, Ferrol e Santiago como as máis afectadas. De feito, este pasado fin de semana foi necesario xa trasladar a tres pacientes desde coidados intensivos de Ferrol a Lugo.
No entanto, e aínda que preocupa a evolución, José Flores explicou que Galicia se mantén por baixo do 15% de ocupación do máximo total de prazas de UCI que se poderían despregar segundo en plan de continxencia.
Ademais, o conselleiro de Sanidade, Julio García Comesaña, explicou que a situación actual está un 35% por baixo en UCI e un 29% por baixo en hospitalizacion do pico da primeira onda. "Non queremos chegar a eses valores pero, se chegamos, será necesario activar as seguintes fases", expuxo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.