Nace In-Rede, a nova patronal de centros de discapacidade intelectual

A conselleira de Emprego e Igualdade, María Jesús Lorenzana, participou este martes por videoconferencia na presentación pública de In-Rede, a nova patronal de centros especiais de atención á discapacidade intelectual, e animou aos seus responsables a ser "parte activa" do emprego inclusivo.

Segundo informa a Xunta, Lorenzana comprometeu a colaboración do Goberno galego para "dar voz aos intereses económicos e sociolaborais comúns" das entidades que prestan servizos a persoas con discapacidade intelectual.

"Na situación actual, faise precisa unha colaboración o máis estreita e efectiva posible entre os actores sociais, máis aínda se nos referimos a un colectivo especialmente vulnerable e sensible para os efectos da crise da covid-19", dixo a conselleira.

María Jesús Lorenzana destacou ao emprego como un "valor social" e "persoal", xa que reafirma a "potencialidade" dos cidadáns. Neste sentido, explicou que a Xunta ve "fundamental" incidir na procura de condicións laborais dignas, sen "discriminación por ningún motivo".

A educación, a formación e o emprego, engadiu a conselleira, "será o que rompa dunha vez por todas o estigma que afecta a este colectivo e, dunha maneira máis xeral, o que axude a avanzar cara a unha sociedade máis xusta".

Non en balde, a titular de Emprego e Igualdade reivindicou durante a presentación as políticas da Xunta polas políticas activas para promover o emprego inclusivo, que van en "colaboración" das entidades que defenden os intereses deste sector.

De feito, considera que In-Rede, a nova patronal que presidirá Dolores Fernández, "vai alcanzar no futuro próximo un papel preponderante na defensa e posta en valor dos dereitos sociais e laborais das persoas con discapacidade intelectual".

A conselleira de Emprego e Igualdade, María Jesús Lorenzana, na presentación de In-Rede, nova patronal de entidades e centros de discapacidade intelectual.. XUNTA | Fonte: Europa Press