Gadis reúne nun libro 100 relatos relatos sobre os momentos "máis esperados" do ano da covid

Supermercados Gadis reuniu nun libro os 100 microrrelatos finalistas do seu I Concurso de Microrrelatos, no que participaron 1.819 persoas de todo o territorio nacional e que este ano versou sobre "os reencontros", baixo a lema "toda historia comeza con trespalabras".

A compañía agradeceu aos participantes a súa implicación, que permitiu editar 10.000 exemplares que se regalaron nos puntos de venda. Ademais, o libro pode descargarse en formato dixital en www.gadismicrorrelatos.com, páxina web na que tamén se poden leer todos os textos participantes.

O certame, que se prolongou desde o 25 de xuño ata o 15 de setembro de 2020, pretendía mostrar "os momentos máis esperados durante o ano pasado: atoparse a un mesmo, descubrir unha paixón, etc.". "Os encontros son as persoas, os lugares, os sentimentos. É volver vernos despois de moito tempo e, tamén, cruzarnos despois de poucas horas", indicou a compañía.

O primeiro premio do concurso levouno Mariel, da Coruña, polo seu texto sobre o reencontro de dúas vellas amigas nunha imaxinaria sesión vermú; o segundo tamén se quedou na cidade herculina, cun microrrelato no que Alexander Merod describe, contan só tres palabras, algunhas das peores situacións que poderían darse neses momentos. O terceiro premio levouno Marco Pichucho, da Rigueira (Xove), cun escrito que aborda como viviu o reencontrarse coa súa avoa.

Supermercado Gadis